2018-09-16 ~ Кугламе и сме среќни

Втората недела во знак на првична селекција

Втората недела веќе започнуваат да се наѕираат кугларските таленти. Факт е дека потребно е уште многу, многу работа и тренинзи, но одредена група на ученици отскокнува од останатите.

Радува фактот што после третиот, четвртиот тренинг кај повеќето ученици се забележува сериозен напредок во совладувањето на основниот чекор и став во куглањето, исфрлањето на куглата, а кај оние поталентираните куглата веќе добива и потребен правец и брзина. Тоа е забележително и кај момчињата и кај девојчињата.

Втората недела покрај учениците од основните училишта кои куглаа во првата недела, ни се приклучија и ученици од ОУ „Ѓорѓи Сугарев“ и ОУ „Даме Груев“ од Битола, како и учениците од ОУ „Слако Лумбарковски“ од Новаци.

Вкупната бројка на ученици кои куглале од првиот ден до сега се искачи на цифрата 320.

Покрај тренерскиот троец, оваа недела гости ни беа:
Кристијан Божиновски, куглар на к.к. Виена од Австрија кој во моментот е во својот роден град кој имаше прилика да демонстрира стил и техники на куглање карактеристични за австриското поднебје,
Никола Андоновски, државен јуниорски првак за 2017 година
Благојче Ристески, млад и талентиран куглар од к.к. Пелистер кој помогна во мотивацијата на младите куглари

Првата недела во знакот на запознавање со куглањето

Првата недела помина во знакот на масовноста и првата средба на учениците со куглањето. Куглаа повеќе од 260 ученици, од Општина Битола и Општина Могила.

Од Општина Битола куглаа учениците од ОУ Трифун Пановски, Елпида Караманди, Тодор Ангелевски и Гоце Делчев. И машки и женски. Присуството беше 90% од вкупниот број на ученици што надвор од школските активности е скоро невозможно.

Од Општина Могила куглаа учениците од ОУ „Браќа Миладиновци“ - Добрушево, ОУ „Гоце Делчев“ - Могила и ОУ „Кочо Рацин“ - Ивањевци. Превозот до Битола беше бесплатен за учениците, а процнтот исто така се движеше над 85%.

Од секое училиште и од Општина Битола и од Општина Могила задолжително првата недела имаше наставник по физичка култура.

Научивме како да не се повредиме, да трчаме на патека, да ја исфрлиме куглата. Има уште многу, но како за прва недела, одлични сме.

Гости:
Адријана (Кочишка) Ангеловски, стручен консултант на проектот, државен првак долги години во различни воразни категории, репрезентативка на Македонија и носител на две бронзени медали од европски и светски првенства.

Никола Андоновски, државен јуниорски првак за 2017 година.