2018 ~ Кугламе и сме среќни

На самиот крај од проектот „Кугламе и сме среќни“ кој во Битола траеше 4 месеци, предновогодишно свечено го прославивме со ревијален натпревар каде што имавме гости, познати лица, лица кои дадоа поддршка на оваа наша активност, новинари, спонзори и истите денес заедно куглаа со нашите млади куглари во 8 тимови.

На самиот почеток присутните имаа прилика да го гледаат краткото видео кое беше сублимат на активностите на проектот „Кугламе и сме среќни“. Истото може да го погледнете:

Гости ни беа: Димитар Андоновски (естрада), Никола Чобановски (Аеро кафе), Радојка Димитrijeska (SN финансии), Горан Упале (gol.mk), Наташа Петровска (Градоначлник на Битола), Нико Берберу (Витаминка), Марјан Ѓорѓиевски (актер и стендап комичар), Славчо Ристески (РС Боби), Весна Божиловиќ (tvb.mk), Сашо Ристевски (bitolanews.mk)

Иако ревијално, најдобар резултат постигна тимот каде што беше Градоначалничката, а истата со одлично прикажаната игра, што беше и пријатно изненадување за бројната публика, видно придонесе на својата екипа за победата.

По завршувањето на 8-те тимови се сечеше торта и мал коктел за присутните, а сите куглари добија поклон ранче со прикладни поклони во него, донација од нашиот стручен консултант Јован Керечеки од Суботица, Р.Србија.

Ова беше уште еден од низата на незаборавни моменти во битолската куглана и согледувајќи ја оваа енергија, решивме како организатори да го продолжиме уште еден месец овој проект, се со цел нашите одбрани куглари да продолжат да куглаат и да го живеат мотото „Кугламе и сме среќни“.

Тамара Талевска, најдобра во битолскиот спринт, девојките доминантни на битолската куглана

Саботата (08 декември) беше резервирана за турнирот на Битола во спринт до 14 години

По пат на ждреб, стигнавме до 1/16 а потоа со елиминација стигнавме до победникот. За прв пат немаше машка и женска конкуренција туку сите рамноправно настапуваа. Се куглаше на 2х10+5, по истите правила како на меѓународните турнири, но со скратени 5 кугли на чистење.

На тешката куглана во Битола, очекувавме дека машките ќе доминираат, НО, денес беше ден на девојките.

Полека, но сигурно машките беа елиминирани во 1/16, во 1/8, за во 1/4 финале да отпаднат и фаворитите Коста, Архан и Стефан Т. За овие брилијантни повбеди најзаслужни беа Емилија П, Ружица и Данче.

Во 1/2 финалето се сретнаа 4 девојки, горенаведените и Тамара кој пак во 1/4 финалето ја совлада Јована Г, градски првак за 2018.

Во првото полуфинале се сретнаа Ружица против Емилија и Данче против Тамара.

Во самата завршница преовладуваа емоциите, па воопшто не беше лесно да се кугла под притисокот од медалите.

Ружица водеше со 1:0 во сетови, а Емилија иако имаше предност во вториот сет, иако со 14-тата кугла успеа да ја исчисти поставата, неочекувано и покрај одличната игра во текот на целиот натпреварувачки ден, 15-тата кугла во полни ја одигра 0. На Ружица и требаше само 4 за победа. Или 3 за пенал на патека, но не, иако куглата одеше во центар неочекувано скршна од својата патека и имаше само 2. Натпреварот беше решен на пенали (со 3 кугли во полни), а Емилија беше подобра

Во второто полуфинале Данче видно возбудена од успехот играше деконцентрирана и загуби од Тамара со 2:0.

Во финалето Емилија беше блиску но не успеа да и земе сет на Тамара и со 2:0, девојчето кое игра бавна, но исклучително прецизна кугла, беше победник. Браво Тамара!!!