Наши пријатели

Кугларскиот проект „Кугламе и сме среќни“ е помогнат од пријатели на куглањето, фирми кои општествената одговорност ја покажуваат на дело преку реализирање на конкретни проекти каков што е нашиот.

Сите пријатели ни се подеднакво важни, безмерно им сме благодарни бидејќи овој проект неможеше да биде во ваков обем само доколку го организиравме со нашите партнери (Општина Битола, Општина Могила, Општина Новаци и кугларскиот клуб од Битола)

Длабоко веруваме дека сите учесници во проектот ќе знаат тоа да го ценат бидејќи денес ваквите проекти од областа на спортот и рекреацијата се навистина реткост во нашата земја и горди сме што го имаме овој благодет токму во Битола.

Пакомак е првата фирма која го препозна нашиот проект уште во зародишот на идејата, го поддржа и даде ветар во грб во однос на охрабрувањето на предизвикот кој следуваше. Се работи за компанија чија дејност е управување со отпадот од пакување, која во низа ги следи и поддржува активностите во битолското куглање. Целта на компанијата е да изгради долготрајна и цврста соработка со своите клиенти и со државата и согласно со европските регулативи - да го минимизира негативното влијание на амбалажниот отпад врз животната средина, да промовира одговорен однос на компаниите кон амбалажниот отпад, овозможувајќи со тоа поквалитетен живот за сите.  Благодариме Пакомак!

Се работи за банка која е формирана во 1948 година со фокус на работата во подрачјето на Битола за низ годините да стане една од поголемите банки во нашата земја. Ориентираноста кон потребите на граѓаните, постигнувањето на задоволство и сатисфакција од квалитетот и нивото на банкарските услуги, зголемувањетона клиентската база, проширувањето на пазарот низ целата држава задржувајќи го доминантното учество во Пелагонискиот регион не прави горди што ја имаме како свој пријател, како пријател на кугларскиот спорт во Битола. Благодариме Стопанска банка АД Битола!

Универзитетот познат во нашиот град уште и како „Руски универзитет“ од своето формирање на одделението во Битола во 2006 година е присутен и поддржува кугларски проекти со акцент на младите. Со своите 5 факултети (Факултет за економски науки, Факултет за психологија, Факултет за информатика, Факултет за безбедносно инженерство и Факултет за правни науки), нудејќи исклучително квалитетни услови за работа наметнувајќи високи стандарди е атрактивен за младите во Р.Македонија со посебен акцент на Пелагоднискиот регион. Благодариме Славјански!  

Компанија која направи вистински бум во поглед на финансиското работење преку кредитирање на населението со акцент на микрокредитирањето придоби голем број на клиенти кои ги користат услугите на ова финансиско друштво. Покрај микро кредитите, препознатиливи и се по наменските и ненаменските кредити, хипотекарните, стамбените, земјоделските како и инвестициските и обртни средства на правните субјекти. Ги краси квалитетната услуга, можноста за on-line аплицирање и брзото одобрување и исплата во рок од само 1 час. Седиштето е во Битола, а компанијата успешно работи на територијата на целата земја. Благодариме SN!

Започнувајќи со работа пред повеќе од 60 година, Витаминка денес претставува еднa од врвните  македонски брендови. Својата лидерска позиција на домашниот пазар ја аргументира со добро изграден корпоративен бренд кој се поистоветува со национална вредност, врвен квалитет, вкус и традиција. Со широката палета на производи (околу 350 типови на пакувања) вклучува производство на различни вкусови (слатки, солени и лути) во форми на ужина, чоколади, десерти и бонбони, голем избор на пудинзи, кечап, мајонез и различни сосови, вкусни супи и други додатоци за храна, како и бројни инстант производи. Највпечатливи и најпознати брендови на Витаминка се популарните и вонвременски Стоби Флипс и Чоко Стоби Флипс, богатата палета на бисквити и кекси, инстант витаминскиот пијалак Цевитана,  Атлантис - чоколадните морски школки со уникатен и квалитетен вкус, како и квалитетните и оригинални производи во семејните кујни - Зачинот Дафинка, оригиналните и неповторливи Витаминка Кечат и Витанез и уште многу други од семејството од Светот на Вкусовите. Благодариме Витаминка!

Компанија која основната дејност е развој, производство, монтажа и сервисирање на опрема и резервни делови за потребите на рударско-енергетските објекти на Македонија како и за останатите баратели на опрема, делови и други услуги. Изработуваат: цилиндрични запчаници и коси запци, основни вратила, барабани, носачи на ролни, конусни запчаници со криви запци, редуктори со моќ од 500 kW, ремонт на машинска и електро опрема за потребите на рудниците и термоелектраните. Благодариме ФОД!

На една урбана битолска локација во минатото, денес постои едно од најубавите и најпријатните кафетерии каде што можете своето слободно време да го поминете со  пријателите. Локал кој од самиот почеток го поддржувал битолското куглање. Непосредната близина со кугланата го направи ова место омилено како на битолските така и на скопските куглари. Благодариме Аеро кафе!

Компанија која е лоцирана во срцето на Пелагонија, специјализирана за увоз, извоз и дистрибуција на трактори, приклучна земјоделска механизација, опрема за млекарство, вештачки ѓубрива, опрема за шумарство и градежништво, пумпи за вода, генератори и други производи. 
Благодариме Евро-стил! 

Фирма која од 2002 е присутна на македонскиот пазар, специјализирана за одржување на хигиена и управување и сервис со мали поправки во стамбени и деловни објекти. Распространета во три градови во Р:Македонија (Прилеп, Битола и Струмица), фирмата во моментот управува со повеќе од 500 стамбени објекти. Токму нивните вработени ќе бидат задолжени за хигиената во кугланата сите четири месеци. Благодариме РС Боби 99!

 Веб порталот ГОЛ.мк е специјализиран за спортски вести во електронскиот етер, а неговата посетеност го вбројува во топ 15 сајтови во Р.Македонија по alexa.com. Од своите почетоци Гол.мк го покрива куглањето како спорт на национално ниво, a isto така и битолскиот клуб. Благодариме Гол.мк!   

Веб порталот Bitolanews е специјализиран локален (Битолски) информатор кој на свој уникатен начин, брзо, навремено, точно и прецизно успева да покрие најголем дел од настаните во Битола. Препознатлив е по прекрасните интервјуа и одличните фотографии. Bitolanews го покрива кугларскиот клуб од Битола. Благодариме Bitolanews.